Креативни работилници, разговори, едукативен квиз, комуникација на знаковен јазик, натпревар во пакување ранец, врзување јазли, поставување шатор, укажување прва помош, облекување униформа од уличните продавачи на списанието „Лице в лице” и негово продавање списанието, ќе бидат само дел од триесетината настани што ќе се одржат денеска во паркот „Ибни Пајко” и на платото кај споменикот на Скендербег во рамки на вториот „Ден на граѓанските организации” што го организира Цивика мобилитас.
На настаните што ќе се одвиваат паралелно на двете локации, посетителите ќе имаат можност да се информираат за граѓанските организации, нивните залагања и постигнувања, како и активно да се вклучат во денешните активности.
Официјалното отворање на настанот ќе биде во 12 часот, а по овој повод ќе се обрати амбасадорката на Швајцарија, Сибил Сутер Тејада.