Утре со почеток во 18.00 часот, по повод 8-ми Септември– Денот на независноста, од касарната ,,Илинден“ во Скопје, ќе се изврши почесна артилериска стрелба со истрелување на 10 плотуни од артилериски орудија, од страна на единица на артилерискиот баталјон на Армијата.
Претходно, во периодот од 15 до 17 часот ќе се изврши пробна артилериска стрелба со еден плотун од 6 артилериски орудија.