Германскииот „Фолксваген“ кон крајот на 1990-тите го почна производството на редизајнираната „буба“ за новата генерација возачи и продаде повеќе од 1,2 милиона автомобила до 2010 година. Третата и последна генерација на со децении популарните „буби“ се појави во 2011 година.
Последниот примерок произведен деновиве ќе остане во музејот на „Фолксваген“ во мексиканска Пуебла. Тамошната фабрика наскоро ќе почне со производство на компактни спортски автомобили дизајнирани за северноамериканскиот пазар.
