Прашањето за безбедноста на водата секоја година се отвора на денот на водата на 22 март.
Небезбедна вода за пиење освен во гостиварскиот има и во тетовскиот регион. Главните причини за ваквата состојба се недржувањето на селските извори, односно недоволно хлорирање и необезбедени места каде што поминуваат селските извори со вода. Генералната оценка за водата од градската водоводна мрежа во Тетово и Гостивар, е дека ги задоволува стандардите за безбедност.
Фактите зборуваат дека само 1% од водата на целата земјина топка е употреблива за пиење. 2,1 милијарди луѓе немаат пристап до безбедна вода за пиење, 1 од 4 основни училишта користат небезбедни извори за вода, а повеќе од 700 деца под 5 годишна возраст секој ден умираат од дијареа поврзана со небезбедна вода и лоши санитарни услови.
Зоран Димовски