Авион „боинг 737-800“ мораше итно да слета на аеродромот кај градот Сиктивкар на северозападот на Русија. Според се’ уште непотврдените информации, причина за принудното слетување е откажувањето на мотор, јавуваат руски медиуми.
– Се случи вонредно слетување во Сиктивкар. Во тек е истрага. Според прелиминарните резултати, се работи за дефект на моторот. Патниците се сигурни и неповредени – изјави претставник на руските истражни органи.
Авионот бил на релација од град на истокот на Русија кон Москва. Инцидентот се случува еден ден по забраната за летање на авионите „бонг 737 макс“ и над Русија, поради двете големи несреќи во кои загинаа речиси 350 луѓе во два авиона од тој модел.