Денеска во попладневните часови се слушнале пукотници кај Трговскиот центар „Лептокарија“ во скопската населба Карпош 3.
Од МВР информираат дека „е пријавено околу 18.35 минути на булевар Партизански одреди дека е пукано од едно возило кон друго. Досега не се пријавени повредени и нема траги од крв“.
Според првичните информации се работи за престрелка од два автомобили во движење. Нема повредени во овој инцидент. Полицијата е на терен и врши увид на местото на настанот.
Сообраќајот во овој дел на градот се одвива отежнато.