Томај Салехи, ирански рапер кој ги поддржуваше антивладините протести, е обвинет за „корупција на Земјата“ и може да биде осуден на смрт, пренесува Би-Би-Си.
Музичарот е обвинет и за ширење пропаганда, соработка со непријателската влада и поттикнување насилство, потврдил судски службеник.
Салехи бил уапсен во октомври откако објавил неколку видеа од протестите.
سراوان و ایرانشهر هم به خیابون اومدن. #مهسا_امینی pic.twitter.com/LwLULv2sI5
— توماج صالحی🌋 (@OfficialToomaj) November 25, 2022
Меѓу објавените видеа се и оние на кои рапува во знак на поддршка на демонстрантите кои излегоа на улица по смртта на 22-годишната Махса Амини во полициски притвор.
Во интервју за CBC News само неколку дена пред да биде уапсен, Салехи рекол дека објавувањето видеа во кои се критикува владата е „опасно затоа што станувате цел на владините сили“.
Тој предупреди дека Иранците живеат „во еден вид хорор“ каде што „мафијата е подготвена да ја убие целата нација за да ги задржи власта, парите и оружјето“.
Фото: Твитер