Даниел Крег, 50 Сент и Сајмон Кауел се само дел од познатите богаташи кои не планираат да остават никакво наследство на своите деца, а секој од нив има свои причини за тоа.
На пример, Марлон Брандо, Шон Конери, Кирк Даглас и Филип Сејмур Хофман не оставиле ниту денар на своите деца по нивната смрт, иако секој од нив стекнал вистинско богатство во текот на својот живот, главно за да ги мотивира да заработат за живот. Некои од најпознатите ѕвезди на денешницата се водат по оваа филозофија.
Даниел Крег
Богатството на актерот кој го играше агентот 007 се проценува на околу 160 милиони долари, од кои најголемиот дел го стекна играјќи го Џејмс Бонд. Но, неговите две ќерки веројатно нема да добијат ниту цент од тоа. Даниел израснал во сиромашно семејство, татко му бил морнар, а мајка му учителка, па смета дека секој треба сам да заработува за леб. На актерот целиот концепт на наследство му е невкусен и смета дека секој треба да ги потроши сите пари што ги заработува во текот на својот живот.
„Зарем не постои стара изрека дека ако умреш како богат човек, тогаш не си успеал? Не сакам да оставам големи суми пари на следната генерација. Мислам дека наследството е прилично невкусно. Мојата филозофија е да се ослободам од парите или да ги дадам пред да ме нема“, рече тој.е познат актер.
50 центи
View this post on Instagram
Расправијата меѓу раперот и неговиот син Маркис е тема која веќе подолго време кружи низ медиумите. Тие никогаш не изградиле врска и раперот наводно нема татковски чувства кон својот син, а кога решил нивната приватна преписка да ја објави јавно, му се заканил дека ќе го исклучи од тестаментот. Според последните проценки, 50 Цент на својата банкарска сметка има околу 52 милиони долари.
Сајмон Кауел
Музичкиот магнат, кој беше задолжен за продукцијата на Х Фактор, Американски Идол и Америка има талент, исто така не планира ништо да им остави на своите деца. Тој тврди дека на децата треба да им се даде време и знаење, а не верува во идејата за наследство и вели дека повеќе би сакал своите пари да ги донира во хуманитарни здруженија за помош на децата и кучињата.
Ендрју Лојд Вебер
View this post on Instagram
Познатиот креатор на мјузикли, кој во текот на својата кариера ги напиша „Фантом од операта“, „Мачки“ и многу други познати мјузикли заработи повеќе од милијарда долари. Сепак, ниту едно од неговите пет деца нема да добие ни пара од тоа бидејќи смета дека секој треба да се издржува.
„Се работи за работна етика. Воопшто не верувам во наследување пари. Не поддржувам децата одеднаш да добијат многу пари, бидејќи тогаш немаат причина или мотивација да работат“, рече тој еднаш.
Лорин Павел Џобс
View this post on Instagram
Вдовицата на основачот на „Епл“, Стив Џобс ќе се држи до планот на својот сопруг и нема да им остави наследство на децата, исто како што тој сакал. Наместо тоа, таа одговорно ќе го распределува своето богатство и ќе инвестира во компании кои го менуваат светот, а веќе почнала со тоа, па во 2015 година започнала програма која помага во образованието на сиромашните студенти.
Извор: Курир.рс