Научниците открија дека пиењето само три шолји кафе дневно може да ги намали женските гради. Речиси 300 жени биле испитани за мерките на нивните гради и колку шолји кафе пијат во просек дневно – пишува 24sata.hr.
Според истражувачите, три шолји дневно биле доволни за да почнат да се намалуваат градите, а ефектот се зголемувал со секоја конзумирана чаша.
Тие рекоа дека постои јасна врска помеѓу пиењето кафе и помалите гради бидејќи околу половина од сите жени имаат ген за кој е докажано дека ја поврзува големината на градите со внесот на кафе.
„Пиењето кафе може да има големо влијание врз големината на градите“, вели Хелена Јернстроем, предавач по експериментална онкологија на Универзитетот Лунд во Шведска.
Жените кои пијат кафе не мора да се грижат дали градите им се намалуваат преку ноќ. Ќе се намалат, но градите нема само да исчезнат. Сепак, секој што мисли дека може да препознае кои жени се љубители на кафе само по мерењата на градникот, ќе биде разочаран – вели таа.
„Проблемот е што има две мерења за градник, големината на чашката и обемот, така што не би можеле да ги препознаете“, додала Хелена.
Сепак, има добра вест за оние кои пијат кафе – истражувачите исто така откриле дека редовното внесување кофеин може да помогне да се намали ризикот од развој на рак на дојка.
Научниците велат дека ефектот на кафето е поврзан со неговото влијание врз естрогените – женски полови хормони.
Некои супстанции во кафето можат да го променат метаболизмот на жената, така што таа ќе добие подобра конфигурација на различни естрогени, со што се намалува потенцијалниот ризик.
„Но, жените со поголеми гради кои содржат повеќе млечни жлезди се изложени на поголем ризик“, објаснуваат научниците.