Претседателот на ВМРО-ДПМНЕ Христијан Мицкоски ја откажа посетата на општина Ростуше, поради појава на симптоми на Ковид-19 и добиен позитивен резултат на брз антигенски тест.
-Ве известуваме дека посетата и настанот на претседателот Христијан Мицкоски во општина Маврово- Ростуше закажани за денеска во 17:45 се откажани. Причина за откажување е развивањето на симптоми од Ковид -19 на претседателот на партијата Мицкоски, при што беше направен брз антигенски тест, каде што истиот беше позитивен, информираат од ВМРО-ДПМНЕ.
Оттаму додаваат дека во текот на денот Мицкоски ќе биде тестиран со ПЦР тест за Ковид-19.
МИА