Познатиот гигантски пловечки ресторан во Хонг Конг се преврте во Јужното Кинеско Море, неполна недела откако беше извлечен од градот, соопшти во понеделникот компанијата “Aberdin restoran entreprajz”.
Ресторанот „Џамбо“, како што се наведува, наишол на „неповолни услови“ при минување покрај островот Сиса (Параселските острови). Водата навлегла во пловилото долго 80 метри, кое почнало да се превртува во саботата, објави „Ју-Ес-Еј тудеј“.
NEW: Hong Kong floating restaurant sinks in South China Sea. Its kitchen barge already sank into the sea two weeks back https://t.co/EE8qOMXXFl pic.twitter.com/AIiddzWejy
— Insider Paper (@TheInsiderPaper) June 20, 2022
Од компанијата истакнаа дека нема повредени, но дека не успеале напорите да се спаси пловечкиот ресторан. Тој на крајот се превртел.
„Многу сме тажни поради овој инцидент“, велат од компанијата, додавајќи дека поради длабочината на водата од преку еден километар, било тешко да се зачува ресторанот.
Поради актуелната ситуација, како што се посочува, „Џамбо“ ќе ги прекине услугите, соопштено е во понеделникот.
„Џамбо“ се состои од пловечки ресторани и „Таи Пак“ кои се наоѓале во пристаништето Абердин во Хонг Конг.
Кралството Џамбо е добро позната туристичка атракција која ја посетуваат голем број познати личности, меѓу кои британската кралица Елизабета, актерот Том Круз и над 30 милиони други гости, соопшти компанијата.
The Jumbo Floating Restaurant, which left Hong Kong a few days ago, has sunk near Paracel Islands, according to a statement. No one was injured. The area is over 1,000 metres deep and it would be very difficult to salvage it, the statement said.https://t.co/T99KlZCJh6
— Kris Cheng (@krislc) June 20, 2022