Беспилотните летала на Wing досега имаат извршено повеќе од 200.000 испораки во Австралија, а оваа недела ќе започнат со испораки во САД.
Големите технолошки компании се убедени дека во иднина работите што ќе ги нарачаме ќе се доставуваат по воздушен пат, но не со авион, туку со дронови. За некои компании, како што е Амазон, лансирањето на таква услуга се покажа како многу покомплицирано и покомплексно во пракса отколку во теорија, додека од друга страна, одделот на Alphabet’s Wing веќе некое време успешно ги тестира своите дронови за испорака.
Овие тестови не поминаа без проблеми, нивните дронови во Австралија беа нападнати и птици па мораа привремено да ги прекинат тестовите, корисниците генерално се презадоволни од услугата. Со успешни тестови и задоволни клиенти со услугата, Wing најави проширување на нови пазари и ќе лансира услуга за испорака со беспилотни летала во пошироката област Далас оваа недела.
За почеток, беспилотните летала на Wing ќе доставуваат лекови од синџирот аптеки Walgreens до жителите на Little Elm и Frisco. Дроновите ќе бидат поставени на паркинзи до аптеките, а по секоја нарачка вработените ќе ги сместуваат нарачаните производи во дронови кои ќе полетаат кон нивната дестинација. По Walgreens, достава со дронови ќе има и во некои други делови на Далас, чии жители ќе добијат лекови за животни, прва помош, но и сладолед.
Наместо да одат до продавница, секој што сака да се разлади ќе треба да нарача сладолед преку апликацијата и набргу потоа дронот ќе им го донесе од Blue Bell Creameris.
Wing користи само-развиени дронови и може да носи пакети со тежина до 1,5 kg во радиус од 10 km. Самите беспилотни летала се автономни, но постојано се надгледувани од вработените во Wing кои во случај на непредвидени ситуации или ако леталото скршне од рутата, можат да ја преземат контролата над нив.
„Ова е важен настан за Wing и испораката на беспилотни летала во Соединетите држави“, коментираат од компанијата, која започна со испораки во Австралија во 2019 година, а нивните авиони досега извршија повеќе од 200.000 испораки.
Преземено од: https://zimo.dnevnik.hr/