Петар Тутавац (88), креаторот на познатите бисквити „Домаќинка“ и еден од авторите на рецептот за плазма бисквитите, почина на 88-годишна возраст во Србија.
Тутавац е роден во 1934 година во Подградина кај Опузен. На 13 години го завршил ткајачкиот занает во Опузен, но не бил задоволен со тоа. Во 1949 година се пријавил на курсот за бисквити во Загреб, на фабриката „Краш“, каде заедно со уште еден студент го научиле занаетот за бисквити, напишала „Слободна Далмација“ пред една година, а потоа ја објавила неговата животна приказна.
Тутавац бил првиот образован производител на бисквити во поранешна Југославија. После тоа отишол во војска, а кога се вратил се вработил во „Краш“.
Популарните колачиња Домаќинка била негова дипломска работа. Иако подоцна доживеа различни варијации, основата на Домаќинка остана истата.
Но, круната на неговата кариера беше во Пожаревац, каде што ја основа фабриката за бисквити „Бамби“, чиј заштитен знак е лик од цртан филм на Дизни.
– Работејќи на производство на детски бисквити со брашно од соја за училишни кујни, размислував за нов производ кој би бил нешто сосема ново според состојките и зголемената хранлива вредност. Идејата ја надополнив со знаење од американска стручна литература, а со усовршување и менување на рецептот на италијанскиот бисквит „Плазмон“, дојдов до оригинален производ со додатоци на витамини, минерали и комбинација од животински и растителни протеини. Така настана „Плазма“, на која израснаа генерации – откри тој за Слободна Далмација.
Тутавац не патентирал ниту еден негов производ, а како што рекол, верувал дека сето тоа му припаѓа на народот.
– Тоа беа времиња кога важеа некои други правила и односи меѓу луѓето – рече тој.
извор и фото: 24sata.hr