Пејачката признава дека е вечен оптимист, дека со сопругот Бобо Живојиновиќ ги изведе децата на вистинскиот пат и дека сега ужива во денови на спокој.
На 7 декември, пред три децении, започна најубавата љубовна приказна на Југославија, која тие двајца ја живеат и денес. Тогаш во зенитот на славата судбоносното „да“ го кажаа Фахрета Јахиќ, попозната како Лепа Брена и познатиот тенисер Слободан Боба Живојиновиќ, а јавноста имаше можност да ја проследи нивната венчавка. И три децении подоцна се прераскажува свадбата на векот и тие сцени секогаш носат насмевка на нивните лица и топлина околу нивните срца.
– За да опстане бракот, важно е да преовладуваат убави искуства, позитивни емоции и напредок. Сите сме имале тешки 30 години од сопствената кариера, подеми и падови, но најважни се вербата во љубовта, поддршката, толеранцијата и желбата за опстанок на семејството – вели Лепа Брена за „Супер ТВ“ и додава:
– Брак без љубов која нема страст, разбирање за двајцата партнери и поддршка, визија за иднината, меѓусебна толеранција, не е брак. Ова е основата на секој брак. На животот, на светската ситуација, на економската, политичката, еколошката ситуација гледам многу рационално и сме имале толку многу подеми и падови и тешки ситуации што секогаш сум благодарна за се. Да се има заедничко семејство, добра комуникација, здравје и многу други обични ситници кои го сочинуваат животот е одлична работа. Затоа што многу луѓе мислат дека да се биде познат е голема среќа. Погрешно. Треба да изберете струка и работа во која ќе бидете среќни, луѓето околу вас и сето тоа да го сублимирате во чувство кое ве прави среќни и задоволни во животот, рекла пејачката.