Инфлуенсерката од Флорида беше критикувана на социјалните мрежи откако објави фотографии на кои позира пред ковчегот на нејзиниот починат татко.
Џејн Ривера од Мајами е ѕвезда на „TikTok“ која стана популарна благодарение на објавите за мода, патувањата и фотографиите во костими за капење.
Минатата недела на Инстаграм откри дека починал нејзиниот татко, ветеран, а потоа во специјална објава во понеделникот сподели разни фотографии на кои позира пред неговиот ковчег.
– Пеперутката одлета. Почивај во мир тато, ти беше мојот најдобар пријател. Добро проживеан живот – напиша таа во описот на фотографиите.
Медиумите објавија дека објавила осум фотографии на кои се смее, гледа преку рамото, заводливо ја држи косата со едната рака додека другата е на страна …
И додека Џејн веројатно мислеше дека ова е чувствителна почит кон нејзиниот татко, многу нејзини следбеници рекоа дека е „зло“ и „одвратно“ што таа го претвори погребот во фотосесија.
– Фактот што објавивте вакво нешто ни кажува се што треба да знаеме за вас – е само еден од коментарите на шокираните следбеници.
Бројните следбеници и порачаа да ги избрише фотографиите и да се извини за оваа објава, но инфлуенсерката отиде чекор понатаму.
Таа го избриша целиот профил, иако спорните фотографии веќе станаа вирални.
Џејн има 84.000 следбеници на Инстаграм и повеќе од 300.000 на „TikTok“.
Таа се уште официјално не се огласила ниту им се извинила на своите фанови.
Извор: Телеграф.рс