Во морето рецепти за колачи и тесто, се издвојува лебот хармоника со путер. Иако е потребно малку повеќе време за да се подготви, кога ќе го направите и пробате, ќе сфатите дека секоја инвестирана минута била вреден труд.
Покрај тоа што е крцкаво однадвор и меко одвнатре – комбинација што сите ја сакаме, овој леб изгледа фантастично, така што нема да се срамите дури и ако го правите за големи прослави и семејни собири.
Состојки:
320 гр брашно
2 јајца
5 гр сув квасец
4 лажици шеќер
Половина мала лажичка сол
150 мл ладно млеко
150 гр путер
Подготовка:
Ставете го брашното во сад за мешање, додадете едно јајце, квасец, сол, шеќер и млеко. Замесете го тестото така што да биде мазно, потоа покријте го со провидна фолија и оставете го да отстои половина час.
Извадете го путерот од фрижидер, потоа исечете 25 грама и оставете го настрана. Исечете го преостанатиот путер на шест листови со еднаква ширина, потоа наредете ги на хартија за печење, преклопете ја хартијата од сите страни и превртете ја хартијата.
Ставете го тестото на набрашнета работна површина и развлечете го со сукало. Тестото треба да биде во форма на малку поголем правоаголник.
Земете хартија за печење со путер, одделете го горниот дел од хартијата, делот со листовите путер навалете го на средниот дел од тестото и отстранете ја хартијата. Преклопете го преостанатото тесто оставено преку листовите путер.
Повторно посипете ја работната површина со брашно, истурете малку брашно врз тестото и развлечете го со сукало, така што површината ќе стане двојно поголема. Преклопете го тестото на три дела, покријте го со фолија и оставете го да отстои 20 минути.
По трет пат, развлечете го тестото со сукало за да биде тенко, преклопете го повторно на три дела, потоа израмнете го уште еднаш со сукало, покријте со провидна фолија и оставете го да „одмори“ уште 20 минути.
Исечете го тестото по должина на четири ленти со иста ширина. Свртете ги двете ленти така што лиснатиот дел е одозгора, навалете ја втората кон крајот на првата лента од тестото и свиткајте ги двете ленти од тестото до должината на плехот. Лентите од тестото треба да бидат малку наведнати при свиткување.
Направете ја истата постапка со преостанатите две ленти тесто. Ќе добиете две хармоника леб.
Ставете ги лебовите во плех, покријте ги со фолија и оставете ги да отстојат 150 минути.
Изматете го јајцето, премачкајте ги лебовите со него и печете ги во рерна на 170 степени околу 25 минути. Кога на површината ќе се појави златна крцкава кора, лебовите се готови. Премачкајте ги со растопен путер и послужете.
Извор: Телеграф.рс