Единствениот активен тим во летниот период, Париз Сен Жермен, денес го официјализираше можеби и најголемиот нивен трансфер во последната деценија. Довчерашниот капитен и играчка легенда на Шпанија и Реал Мадрид, Серхио Рамос, стави потпис на двегодишен договор со парижаните кој ќе го задржи на „Паркот на принцовите“ до 2023 година.
Рамос е четвртото засилување за тимот предводен од Маурисио Покетино, веднаш по Вајналдум, Донарума и Хакими.
𝐒𝐢 𝐒𝐞𝐧̃𝐨𝐫! ✍️
🔴🔵 #WelcomeSergio
pic.twitter.com/n6vciD7YxU— Paris Saint-Germain (@PSG_English) July 8, 2021
-Ова е специјален ден. Голема промена е во мојот живот, но подготвен сум за овој предизвик. Доаѓам овде со желба да работам силно и да победувам. Тоа се вредности кои ги негува и клубот исто така. Многу сум среќен што ќе бидам дел од овој голем клуб, изјави Рамос непосредно по потпишувањето на договорот.
💬”I’m coming with the desire to work hard and win. These are values that represent the club well. I am happy to be part of this great club”
🔴🔵 A Wednesday in the company of @SergioRamos 👀 #WelcomeSergio pic.twitter.com/SWm0RSUvsb
— Paris Saint-Germain (@PSG_English) July 8, 2021
Рамос во француската престолнина пристигна како слободен играч, бидејќи не успеа да изнајде заеднички јазик со раководството на Реал Мадрид и Флорентино Перез, напуштајќи го „Сантијаго Бернабеу“ по цели 16 години.
Фото:
en.psg.fr