Состојбата ни ја долови третиот син на Радица, Благој Миленковски кој живее во Делчево, има свое семејство со три дечиња и одвреме навреме доаѓа да ги види. Како што вели секој пат кога доаѓа срце му се кине од самата глетка, помага колку што може, но како што вели не е доволно.
Поради животот во Делчево и оддалеченоста од селото, како што додава Благој, тој не е во можност да ги посетува често. Планира да се врати во село Град и да живее во друга куќа, но и тогаш како што додава нема да биде во можност често да ги посетува заради секојденвните обврски. Поради тоа што куќата е стара, а и од страв да не фатат некоја болест апелира до хуманите да му помогнат на неговото родено семејство, бидејки вели дека вака тешко дека ќе имаат „живеачка” долго време.
-Брат ми како што кажав „залегна”, не може ни да јаде, ни да станува, ни да се бања и да не се изразам лошо ни да извршува основни потреби да извршува. Се’ што прави, прави тука во собата каде живеат со мајка ми. Ситуацијата е лоша, барам помош од јавноста, кој со што може да помогне. Значи потребно е просторијата да се окречи, да се среди, бидејќи многу е загадено, можат да фатат некоја болест. Кој сака да може да помогне со што и да е било со пари, со мебел, со јадење, кој колку може, додава Благој Миленковски.
Неговата седумдесетгодишна мајка Радица кажа дека исто така најголем проблем им е струјата која ја немаат веќе две години.
Од Центарот за социјални работи велат дека одвреме навреме го посетуваат ова семејство и притоа имало обид Спаско да биде сместен во соодветна институција, но обидот бил безуспешен. Надеж гледаат во враќањето на синот Благој во село Град каде тој наскоро ќе се пресели и кој според нив одвреме навреме ќе може да им пружа каква таква нега.