Фудбалската федерација на Романија на својата страница ја објави целосната постапка за пристап на Националната арена за натпреварите на Македонија – Австрија, Македонија – Украина и Австрија – Украина во рамки на Еуро 2020.
Единствена олеснителна околност за македонските фанови кои ќе заминат во Букурешт ќе биде тоа што ќе бидат ослободени од карантин, но ќе мора да имаат исти документи како што ги бараат земјите од ЕУ.
Следниве категории лица можат да присуствуваат на натпреварите ЕУРО 2020 на трибините на Националната арена во Букурешт:
А. Лица кои се вакцинирани против Ковид-19 за кои поминале 10 дена од завршувањето на целосниот распоред за вакцинирање;
Б. Лица кои презентираат негативен резултат на ПЦР тест не постар од 72 часа пред почетокот на натпреварот;
В. Лица кои прележале Ковид-19 помеѓу 15-ти и 90-ти ден по потврдата на инфекцијата;
D. Лица кои презентираат негативен резултат од брз тест на антиген не постар од 24 часа пред почетокот на натпреварот.
Навивачите кои имаат влезници за натпреварите на Македонија на Националната арена во Букурешт и кои спаѓаат во горенаведените категории, мораат да докажат имунизација КОВИД-19, односно за да влезат во стадионот треба да ги поминат следните чекори:
– Фановите со билети кои спаѓаат во категориите А, Б или Ц треба да се појават на еден од акредитираните медицински центри ЕУРО 2020 во Букурешт со докажувачки медицински документи, на романски или англиски јазик, а апликантот ќе си ги плати трошоците за постапката.
– Медицинскиот персонал ги проверува документите и сигнализира до волонтерот дека со барателот е се во ред.
– Волонтерот на ЕУРО 2020 ви дава нараквица која е потврда од здравствените власти дека ги исполнувате сите критериуми.
– Внимание: откако ќе се тргне од раката, нараквицата се уништува самата и повеќе не важи за пристап до стадионот!
– Гледачот се појавува на стадионот со билет и нараквица на себе, но мора да има и документ за идентификација со која го резервирал својот билет.
Во случај некој од вашите документи да биде невалиден, можете да направите брз антиген тест на денот на натпреварот и со тоа да влезете во категоријата Д.
За имателите на билети кои спаѓаат во категоријата Д:
– се појавувате на денот на натпреварот на еден од акредитираните медицински центри ЕУРО 2020 во Букурешт.
– Си ги плаќате на благајната трошоците за постапката.
– Медицинскиот персонал ве тестира со брз антигенски тест и го соопштува резултатот од тестот по потребниот период на чекање.
– Медицинскиот персонал го информира волонтерот присутен на локацијата дека апликантот е добро (има негативен тест).
– Волонтерот ви дава нараквица за пристап која се уништува од раката самата откако ќе се извади. Одите на стадион со билет и нараквица, но и со документот за идентификација со кој сте го резервирале билетот.
Валидни се само брзи анагени тестови извршени во тој медицински центар. Ако се утврди дека сте позитивен, медицинскиот персонал ги следи законските процедури за известување на медицинските власти за регистрација на случај на КОВИД-19. Апликантот нема да може да влезе во натпреварот и нема да има враќање на билетот. Сепак, тој сепак ќе може да го пренесе својот билет за натпревар на некој друг.
Од неодамна Македонија е на зелената листа на земји и затоа македонските фанови се ослободени од карантин и ќе можат да ги следат натпреварите само со некој од горенаведените документи. Оние што ќе дојдат од земјите на жолтата или црвената листа при влезот во Романија на аеродромот Анри Коанда треба да најдат волонтер кој ќе им даде епидемиолошки сертификат со кој се потврдува ослободувањето од карантин.
Фановите кои пристигнуваат во Романија преку други гранични точки освен аеродромот Анри Коанда, ќе ја следат постапката со презентација во медицинските центри во Букурешт, опишана погоре, со цел да ја докажат нивната класификација во категориите А, Б, Ц или Д.
Режимот на влез на децата на стадионот
Секое лице кое влегува на стадионот мора да поседува важечки билет на УЕФА, со доделено место, без оглед на возраста. Децата не можат да се држат во раце и мораат да имаат свој билет.
– Деца до и 3 години не треба да бидат тестирани за анти-КОВИД 19 и имаат пристап до стадионот без нараквица, откако ќе го проверат изводот на родените на влезот на стадионот;
– Децата на возраст меѓу 3 и 16 години мора да спаѓаат во една од категориите Б, Ц или Д опишани погоре и да ги следат релевантните процедури;
– Деца постари од 16 години мора да спаѓаат во една од категориите А, Б, Ц или Д опишани погоре и да ги следат релевантните процедури.
Нараквиците за пристап се различни од натпревар во натпревар. Тие имаат елементи за безбедност и натпис специфични за секој натпревар. Носителите на билетите мора да поминат низ постапката за добивање на нараквицата за пристап за секој натпревар, доколку имаат билети за неколку натпревари во Букурешт. Не се ослободуваат нараквици во исто време за неколку натпревари.
Секоја вакцина против КОВИД 19 што е издадена со лекарско уверение е валидна.
Имунизацијата со поминување на болеста се докажува со медицински документи (позитивен тест ПЦР на датумот на дијагностицирање, отпусна листа од болница или тест со кој се докажува присуство на IgG антитела извршени со најмногу 14 дена претходно).
Списокот на акредитирани медицински центри ЕУРО 2020 ќе биде објавен деновиве. Медицинските центри ќе бидат само во Букурешт, низ целиот град. Заедно со списокот на медицински центри, ќе бидат објавени и цените по кои ќе се проверуваат медицинските документи или брзите тестови.
Орце Костов