Актерката Ријалда Кадриќ Шебек, позната по улогата на Марија од „Династијата на Жика“, почина ненадејно на 25 јануари, на 57-годишна возраст, во Атина, а како што сега јавуваат медиумите, таа починала на сред улица од срцев удар.
Според „Новости“, Ријалда Кадриќ починала, исто како и нејзината мајка во 1991 година – на улица.
– На 16 јануари 1991 година, мајка ми почина ненадејно на сред улица во Белград, војната во Југославија се прошири, а јас решив да останам во Лондон и да започнам нов живот – рече еднаш Ријалда во емисијата „Балканска улица“.
Ријалда Кадриќ Шебек, инаку, успешно се занимавала со психотерапија со години. По завршувањето на средното училиште, се запишува на студијата за светска литература во Белград. Со цел да го усоврши своето познавање на англиски јазик, во 1984 година таа за прв пат заминала во Лондон. Патувањето повторно ја однесе во главниот град на Англија, две години подоцна, но тогаш таа останала повеќе од 30 години. Во меѓувреме, таа се преориентирала на психологијата и стана лиценциран психотерапевт.
Кога станува збор за глума, во средината на седумдесеттите години таа беше на врвот на својата слава, иако во тоа време имаше помалку од 14 години. Филмот „Луди години“ (дел од „Династијата на Жика“) и донесе неизмерна популарност.
Извор: blic.rs