Вториот син на претседателот Доналд Трамп, Ерик, им се закани на републиканците од Сенатот и Претставничкиот дом дека нивната „политичка кариера е завршена“ доколку не го поддржат неговиот татко да го промени исходот од изборите на денешната седница во Конгресот, каде треба да се пребројат и потврдат електорските гласови.
Синот на Трамп го сврте вниманието кон 6 јануари, додека гостуваше во програмата на телевизијатa Fox newa.
– Денес ќе ви кажам многу за земјата. Кој било сенатор или конгресмен кој не се бори, можам да им кажам дека нивната политичка кариера е завршена. Бидејќи МАГА (слоганот на Трамп – Да ја направиме Америка повторно голема) не оди никаде – рече Ерик Трамп, објави лондонски Индипендент.
Тој додаде дека неговиот татко направил најголема преобразба на американската историја и предупреди дека сенаторите и конгресмените кои не го поддржуваат сегашниот претседател треба да бидат маргинализирани на следните избори и да загубат.
Извор: blic.rs