Гените не се единствените одговорни за долг живот, добрите навики играат голема улога во тоа.
Дан Батнер и неговиот тим проучувале стогодишници и областите во кои живеат. Тие ги истакнаа Сардинија (Италија), Икарија (Грција), Окинава (Јапонија), Полуостровот Никоја (Костарика) и градот Лома Линда (Калифорнија). Тие ги нарекоа споменатите региони како сини зони.
Тие заклучија дека тајната за долговечноста на луѓето во сините зони не се само гените. Сите тие имаат здрави навики вградени во нивната култура.
Најздравите луѓе во светот имаат четири клучни навики на кои им ја должат својата долговечност.
Тие се силно поврзани со истомисленици
Стогодишниците во набљудуваните групи се цврсто поврзани со заедниците кои ги поддржуваат нивните животни навики и цели. Студија од Универзитетот во Фрамингам покажа дека најблиските имаат најголемо влијание врз навиките.
„Ако твоите пријатели не пијат алкохол, јадат здраво и се рекреираат, тоа на крајот ќе стане твоја цел“, заклучува студијата. Пронајдете некој што ќе ве поддржи, без разлика дали станува збор за воведување здрава исхрана или вежбање. Одвојте време да се поврзете со луѓе чии навики ве инспирираат и мотивираат да бидете подобри во секој поглед.
Движење во природа
Иако ниту една од набљудуваните групи не учествувал во организирано вежбање, сите тие имаат начин на живот кој поттикнува постојано движење. Првоило на сите е – многу движење. Тие често се качуваат по скали или одат заедно на прошетки. Одење е нивниот примарен начин на движење.
„Пешачењето е единствениот докажан начин да се спречи опаѓање на когнитивните способности“, вели Батнер, истакнувајќи дека граѓаните на Окинава поминуваат многу време седејќи на подот, 30-40 пати на ден тие се креваат и спуштаат.
Тие живеат со цел
Луѓето во сините зони имаат чувство за цел и го ценат одморот.
“Сите забележани групи имаат еден ден неделно да ги полнат батериите. Истражувањата откриле дека да се биде далеку од работа барем еден ден во неделата може да ве направи попродуктивни и претпазливи кога ќе се вратите на работа”, рече Батнер.
Она што можете да го направите сами е да одвоите неколку часа на ден кога нема да го проверувате вашиот мобилен телефон и да правите само она што ве опушта.
Јадат здраво
Луѓето во сините зони престануваат да јадат кога се 80 проценти полни. Се верува дека мозокот ја прима пораката дека сте сити по половина час престанување да јадете, така што оваа практика спречува прејадување.
Иако не сите овие заедници се строго вегетаријански или вегани, тие се претежно насочени кон храна од растително потекло. Нивната исхрана е богата со зеленчук, овошје, цели зрна, јаткасти плодови и мешунки. Тие исто така го ограничуваат внесувањето на алкохол и кафе, а претежно консумираат вода, чај и повремено чаша вино.
Преземено од: http://rs.n1info.com/