Новоизбраниот претседател на САД, Џозеф Бајден и потпретседателката Камала Харис се избрани за „Личности на годината“ според „Тајм“.
Покрај Бајден кој на 20. Јануари треба да стане 46-тиот претседател на САД и Камала Харис, меѓу финалистите биле и претседателот во заминување Доналд Трамп, движењето за расна правда кое настана по смртта на афроамериканецот Џорџ Флојд, медицинските работници и експертот за инфективни болести Ентони Фаучи.
Joe Biden and Kamala Harris are TIME’s 2020 Person of the Year #TIMEPOY https://t.co/o97QNlSBrl pic.twitter.com/KuoBoebBN4
— TIME (@TIME) December 11, 2020
Минатата година на насловната страница на „Тајм“ се најде шведската активистка за климатски промени Грета Тумберг.
Традицијата на „Тајм“ потекнува од 1927 година и се доделува на поединец, група или движење кое предизвикало големо влијание во изминатата година.