Поранешниот фудбалер на Манчестер Јунајтед и Манчестер Сити, Карлос Тевез, поради тешката здравствена состојба на неговиот татко отсуствуваше од терените извесен период, а веста за смртта на Марадона дополнително ја отежнала неговата психичка состојба.
Тевез вчера во првиот дуел од 1/8 финалето на Копа Либертадорес против бразилски Интернасионал се врати и му донесе победа на Бока Јуниорс на гостински терен од 0:1. Натпреварот поради временските услови и потопениот тревник беше под знак прашалник за одигрување, но делегатите сепак решија дека минималните услови се исполнети за почеток на двобојот.
На искусниот Тевез тоа воопшто не му пречеше. Во 63-та минута по додавањето на Едуардо Салвио, Тевез постигна гол, го соблече дресот под кој носеше ретро издание од големиот Марадона во боите на Бока Јуниорс и ја бакна капитенската лента со неговото име и во боите на Аргентина.
Фото:
Twitter / @433