Владата го прифати мислењето на Комисијата за заразни болести дека скијачките центри може да работат согласно соодветен протокол со пропишани превентивни мерки во услови на пандемија од КОВИД-19, имајќи предвид дека скијачките центри не располагаат со затворени гондоли на жичарите.
Владата ги прифати и препораките на Комисијата во однос на Протоколот за безбедносни мерки за Ковид -19 за ски центрите за измени во делот на редарската служба пред билетарите и ски лифтовите. Задолжително е потребно обезбедување на физичко растојание од 1,5 – 2 метри и пред билетарите (како пред жичарите и ски лифтовите), како и ограничување на работата на угостителските објекти на терените само на отворен простор и со шалтерска продажба со прибор за еднократна употреба.
Владата ќе им додели еднократна парична награда во висина од 30 илјади денари на седумте пиротехничари од Дирекцијата за заштита и спасување кои отстранија над 7.000 парчиња или 52 тона гаранти во близина на Градскиот стадион во Битола.