Промена на времето со врнежи од дожд и намалување на дневните температури за неколку степени се очекуваат од утре попладне. Според метеоролошката прогноза, врнежите ќе почнат кон крајот на денот и ќе бидат повеќе застапени во западните и јужните делови.
Врнежливо ќе биде и во четврток. Во деновите од викендот и во понеделник утрата ќе бидат студени со пад на утринските температури, а преку денот ќе преовладува сончево време со мала до умерена локална облачност.