Властите на градот Минхен, кој го откажaа Октоберфест поради пандемијата, стравуваат дека алтернативните манифестации во чест на пивото можат да предизвикаат токму она што тие се обидуваат да го избегнат, зголемување на бројот на заразени лица. Градоначалникот на Минхен, Дитер Ритер во четвртокот ги повика учесниците на настаните што би можеле да вклучат околу 50 пабови, да бидат внимателни и воздржани.
“Есен без”Wiesn”(баварско име за Октоберфест) – e нешто што дефинитивно недостасува. За мене постои само оригиналот”, рече Рајтер.
Лекарите исто така изразија загриженост дека оваа сабота се планира да се одржи традиционален фестивал на дувачки оркестар, кој обично е придружник на церемонијата на отворање на буриња за пиво. И покрај хигиенските мерки, собирите треба да се избегнуваат, предупредува Бернд Цвислер, анестезиолог во универзитетската болница во градот.
Клеменс Вендтнер, раководител на одделот за инфективни болести во болницата Швабинг, исто така е скептичен за алтернативна прослава на есенското пиво. Тој ги повика учесниците да не ја забораваат важноста на контролата врз пандемијата.
Сопствениците на барови во Минхен организираа „паб Wiesn“, а настанот треба да започне во сабота и да трае до 4 октомври како замена за откажаниот традиционален Октоберфест.
Кристијан Уде, кој беше градоначалник на Минхен со години пред Рајтер, в сабота треба да отвори буре со пиво во традиционален стил во еден бар во близина на Централната станица, пишува локалниот весник.
Рајтер и баварскиот премиер Маркус Содер во април објавија дека настанот, кој привлекува околу 6 милиони посетители секоја година, ќе биде откажан поради пандемијата на коронавирусите, што ќе биде за прв пат по Втората светска војна.
Преземено од: http://hr.n1info.com/