Најмалку 13 лица починаа во стампедо во ноќен клуб во Лима, откако полицијата изврши рација поради непочитувањето на мерките против ширењето на новиот коронавирус, пренесува „Би-Би-Си“.
Властите соопштија дека повеќе од 120 лица се обиделе да излезат преку единствениот излез од клубот, по што настанала турканица во просторот меѓу вратата и скалите на вториот кат.
Во соопштение од тамошното Министерство за внатрешни работи се вели дека полицијата не користела оружје ниту пак солзавец кога влегле во клубот.
Уапсени биле повеќе од 20 лица.
LO ÚLTIMO: Se reportan más de diez personas fallecidas cuando asistían a una fiesta en la discoteca Thomas Restobar ubicado en Los Olivos. @exitosape pic.twitter.com/XPvQTZHqSq
— Jav Romer ⚪ (@jotaromer) August 23, 2020
Ноќните клубови и баровите во Перу се затворени од март годинава поради пандемијата со коронавирус.
Перу има највисока стапка на новозаболени со коронавирус после Бразил, со речиси 600.000 случаи.