Тетката претставува посебна личност во животот на секое дете кое тукушто дошло на овој свет. Всушност, кога сте тетка не само што имате посебно место во животот на бебето, туку и неговото раѓање може да донесе големи промени во вашиот живот. Научните потврдуваат дека да се има сестра, е нешто што овозможува бројни придобивки за менталното здравје. Вашето присуство не влијае добро само на вашата сестра или вашиот брат, туку и на бебето и тоа на многу начини.
Тоа бебе во вашиот живот отвора едно сосема различно поглавје.
Ќе добиете нов најдобар пријател. Досега тоа била вашата сестра или пак, вашиот брат. Сепак, бебето многу бргу ќе ја преземе таа улога.
Вашата креативност добива прилика да се истакне. Се’ што досега сте научиле за животот, ќе можете да го пренесете на тоа мало суштество. Детето ќе ви поставува милион прашања секојдневно, па ќе бидете во потрага за што покреативни одговори.
Станувате поодговорни. Како што ќе расте бебето, така вие ќе созревате и ќе почнете да гледате на животот поинаку.
Ќе воспоставите поблизок однос со семејството. Времето поминато со бебето ќе ве поттикне да се потсетите на некои убави работи од детството. Носталгијата ќе направи да бидете уште поблиски со сестрата или со братот, но и со целата фамилија воопшто.
Имате чувство дека можете да постигнете се’. За вашиот мал ангел вие ќе станете кул тетка. Со текот на времето детето ќе стекне целосна доверба со вас, а тоа дополнително ќе ја зајакне љубовта. Истовремено ќе овозможи и да си верувате повеќе на самите себе.
Ќе го разберете поимот безусловна љубов. За многу краток период бебето ќе стане навистина важен дел од вашиот живот. Понекогаш ќе ги откажете планови, само поради таа мала насмевка што ќе има моќ да ви го разубави денот.