Угостителските објекти од утре ќе може да работат и во затворените, внатрешни делови , но според новиот протокол за работа не смее да се одржуваат свадби и други прослави, а се забрануваат и музички настани и во внатрешните и во надворешните делови.
Со новиот правилник вработените сеуште ќе мора да носат заштитна маска и зачестено да одржуваат хигиена на рацете. Не е дозволено служење на гости на шанк. Столчињата треба да се на растојание од 1, 5 до два метри. На секоја маса мора да има средства за дезинфекција. На една маса може да седат најмногу две лица, а четворица само ако се од исто семејство. Тоалетите постојано треба да се дезинфицираат, а феновите за раце не смее да се користат.
Угостителите предходно апелираа до Владата што е можно поскоро да се донесе правилник за прослави . Тие повторно побараа од надлежните да се промени правилото со кое се предвидува на една маса да може да седат четири лица само ако се од исто семејство.
фото: МИА