Германија планира да ја продолжи до 31. август забраната за влез на нејзина територија за сите граѓани кои не се од ЕУ, јавуваат неименувани извори од германската влада. Како што пренесе „Ројтерс“, се очекува Владата на оваа земја утре да ја потврди оваа одлука.
Германија е подготвена да ги укине забраните за патување на граѓаните од сите земји членки на ЕУ, и на Велика Британија, Исланд, Норвешка, Лихтенштајн и Швајцарија од 15 јуни.
Ова значи дека македонските државјани нема да може да пристапат во Германија, се до крајот на август. Се разбира доколку германската Влада ја потврди оваа одлука.