„Од информации блиски од Тетово во фудбалските клубови Шкендија ио Ренова има позитивни на коронавирусот. Двата тетовски тимови направија тестирања донирани од синдикатот за фудбалери, и тие покажуваат дека има шест случаи на Ковид-19. Според сознанијата, две лица се од таборот на Шкендија, и четворица од тимот на Ренова“,пишува порталот Спортмедиа“ .
Засега не се објавуваат имиња, но многу детали ќе бидат познати во текот на денот. Секако дека тимовите ќе бидат подложни и на втори тестирања на коронавирусот. Дознаваме, пишува „Спортмедиа“, дека се свикани итни состаноци во двата клуба за попладнево.
Панче Ќумбев, претседателот на синдикатот на фудбалери во Македонија кусо ни потврди дека има позитивни случаи во двата клуба.
„За жал има позитивни случаи. Дополнителните детали ќе бидат соопштени наскоро“, ни изјави Ќумбев.
Ова може да има влијание во враќањето на првенството кое беше најавено во текот на оваа недела, а екипите веќе почнаа со тренажен процес. Но, овие позитивни тестови може да ги сменат плановите, па дури и да биде прекинато првенството, односно да не се доигра.
Извор ифото: sportmedia.mk