Непушачка зона во Скопје #SmokingFreeZoneInMKD, која има тенденција да се шири и кон останатите градови во Македонија, најстана на иницијатива на @KatttP.
„Дечки, да направиме една фина иницијатива на Твитер. Да ги лоцираме сите локали во градов и во земјава во кои не се пуши, и да ги направиме популарни. Многу од нив веќе се, ама не е лошо да потсетиме зошто се подобри од другите. Нека оди со хаштаг #SmokingFreeZoneInMKD“, напиша @KatttP. Креирана е мапа на Google map, кока најбргу авторот на апликацијата МојВоздух предложи: Горјан Јовановски: Ќе смета во МојВоздух да ја додадам мапава утре? И тоа е чист воздух :)). И оваа иницијатива беше прифатена, со забелешка:„*Сепак доколку се забележи пушење во некои од овие локали, ќе бидат тргнати од мапата“.
Има различни реакции на иницијативата:
„На Балканот вакви работи можете само да ги направите НЕпопуларни“; „Мајтапот на страна, браво за идејава! Се отрезнуваме како нација, има надеж!„; „Топ иницијатива, оваа го говорам како предлагач на законот за заштита од пушење пред 10 години. Но, за жал денес после неколку измени на тој закон место да го усовршуваат кон целосна забрана во затворени простории, го избламираа поради популизам и додворување.“(Иван Анастасовски); „Браво! Одлична идеја!! Ми се смачи да мирисам на пушено месо. Лајк за иницијативава!“.
Мапата се надополнува постојано, како одговор на масовното кршење на законот за пушење, кој се чини, престана да функционира одамна.