Туск за „Гардијан”: ЕУ направи грешка кон Скопје, а Брегзит и’ е една од најспектакулраните во историјата – ММС
ММС

Објавено на: 12/6/19 8:54 AM

Туск за „Гардијан”: ЕУ направи грешка кон Скопје, а Брегзит и’ е една од најспектакулраните во историјата

 

Брегзит е една од најспектакуларните грешки во историјата на Европската унија, но голема грешка е и француското „не” за лидерите на Западен Балкан особено за Скопје, смета Доналд Туск во првото интервју по напуштањето на функцијата претседател на Европскиот совет.

Туск, кој се гордее со знаење за европската историја, беше критичен и за одбивањето на Макрон да отвори разговори со Македонија и со Албанија.

– Мислам дека е направена голема грешка и стратегиски и политички … по толку многу напор и пожртвуваност, особено во Скопје, рече Туск, кој по заминувањето од челното место во Советот на ЕУ беше избран за нов претседател на Европската народна партија, најбројната политичка групација во Европскиот парламент.

Тој неповолно го спореди Макрон со Ангела Меркел, која се залагала за интеграција на шесте земји од западен Балкан.

– Нејзината предност беше тоа што секогаш беше подготвена да размислува за Европа како целина. И таа беше подготвена да жртвува некаков внатрешен или национален интерес за да ја заштити Европа како целина. Од друга страна, ако сакаме да го третираме Макрон како иден лидер на цела Европа, политички, тогаш ни треба еден политичар кој се чувствува одговорен пред ЕУ како целина, а не само за Франција”, истакнува Туск во интервјуто за „Гардијан”.