Сопственик на тајландското куче Лео си го загубил тогаш малото кутре во близина на бензинска станица. Од тој ден верниот Лео не се поместил од тоа место стрпливо чекајќи го сопственикот да се врати.
Ослабнел, бил гладен, а едно време имал и кожна болест, но Лео верно издржал четири години. Луѓето почнале да му носат храна, а една 45-годишна жена, Сауалак, најмногу се збижила со кутрето. Му носела редовно храна кај бензинската. Неколку пати го однела и во својот дом, но Лео секој пат и’ бегал и се враќал покрај патот кај бензинската станица да си го чека газдата.
Жител на блиското гратче неодамна повел акција на социјалните мрежи за некако да се пронајдат сопствениците на Лео. Ставил и слики и напишал дека верното куче четири години си ги бара сопствениците. Објавата масовно се ширела, па стигнала и до семејството на Лео. Се израдувале, бидејќи мислеле дека кучето не е живо. Брзо дошле. Лео многу им се израдувал, но, за чудо, не сакал да се врати со нив. Одлучил да остане кај 45-годишната жена што се грижела за него додека бил сам.