Во текот на вчерашниот ден околу 11.10 часот полициски службеници од СВР Штип го лишиле од слобода триесет и двегодишниот О.Е. од с.Оџалија, општина Карбинци.
На ул.„Партизанска“ во Штип тој со своето возило „Опел астра“ не застанал на знак за запирање издаден од полициски службеници, а се обидел и да удри еден од нив. Набргу потоа, на излезот од с.Радање, кон с.Оџалија, О.Е. го запрел возилото, се обидел да побегне, но бил фатен и лишен од слобода.
По целосно документирање на случајот против него ќе биде поднесена соодветна кривична пријава.