Научниците, за прв пат користејќи телескоп за лов на планетите на НАСА, забележаа како огромна црна дупка уништува ѕвезда, покажувајќи го овој извонреден и хаотичен настан во вселената од почеток до крај.
Сателитот на американската вселенска агенција ТЕСС откри детална секвенца на исчезнување на ѕвезда оддалечена 375 милиони светлосни години, што беше повлечена од моќната гравитација на супермасивна црна дупка, велат научниците.
Ѕвездата со големина на нашето Сонце на крајот беше „проголтана“ во редок вселенски настан, додадоа тие.Астрономите ја искористиле Меѓународната телескопска мрежа за откривање на феноменот пред да се свртат кон ТЕСС, кој е дизајниран да ги „лови“ далечните планети, кој го сними почетокот на драматичен настан, покажувајќи ја неговата ефикасност во набудувањето на просторот.