Европската унија ќе испрати 30 милиони евра помош на Колумбија за да и’ помогне да се справи со приливот на мигранти од Венецуела, кои бегаат од економската и политичката криза – најави во Богота шефицата на ЕУ дипломатијата, Федерика Могерини.
„Со задоволство ви најавувам дека ќе и помогнеме на Колумбија со 30 милиони евра да ги идентификува мигрантите и нивната социо-економска интеграција“, рече Могерини која се обрати на заедничка прес-конференција со колумбискиот претседател, Иван Дуке. Таа истакна дека ЕУ ги поддржува напорите на владата и локалните власти да обезбедат вработување, претприемништво и пристојно домување за бегалците.
Могерини потсети дека ЕУ веќе донирала околу 130 милиони евра на земјите од регионот за помош на мигрантите.