Вицепремиерот за економски прашања Кочо Анѓушев денеска пред стопанственици од Регионалната комора во Штип ќе ги презентира измените и дополните на Законот за финансиска поддршка на инвестициите и Предлог законот за субвенционирање на придонесите за задолжително социјално осигурување.
Презентацијата на мерките е согласно со активните политики на Владата за користење на средствата за финансирање на инвестициите за зголемување на конкурентноста на македонската економија и субвенционирање на придонесите од задолжителното социјално осигурување за покачување на платите на вработените до 6000 денари.
Анѓушев денеска ќе ја посети и индустриската зона Кочани каде ќе изврши обиколка на производствените капацитетите на „Руен Инокс” и „Пејпер Мил” и ќе има средби со менаџментот.
МИА