На прес конференцијата одржана во белиот дворец на ВМРО-ДПМНЕ, Христијан Мицкоски призна дека се сретнал со еден од осомничените во случајот „Рекет”, споменатиот Зоки Кичеец.
Ајде сега Христијан Мицкоски нека излезе пред граѓаните и нека признае дека во Унгарија се сретнал и со Никола Груевски?
Дали Мицкоски во Унгарија и во Словенија се среќавал со уште некој и нека признае зошто?
Граѓаните, целокупната јавност, очекуваат одговори на овие прашања.
Со кого Мицкоски се координира за да ја спречи интеграцијата на Македонија во НАТО и ЕУ?
Очигледно на Мицкоски му е мала сопствената земја за да ги сокрие шемите негови против напредокот, реформите и правдата.
Улогата на Мицкоски постепено се потврдува.
Нема да успеваат неговите обиди да ги одбрани криминалите на тајкуните на режимот на ВМРО-ДПМНЕ.
Со сигурност нема да успее да ја попречи правдата во Македонија, ниту пак ќе успеат неговите силни напори да ја спречи интеграцијата во НАТО и ЕУ.
Јасно му порачуваме на Христијан Мицкоски дека одговорност ќе има за секој што се огрешил пред законот.