Конзорциум од три фирми од Македонија, Бугарија и Турција е во преговори за инвестирање во изградба на канализационен систем и пречистителна станица за Општина Теарце.
Во ниту едно село во Општина Теарце нема изградено канализација, отпадните води директно се испуштаат во реките.
Инвестицијата на конзорциумот е од големо значење за општината, но реализацијата на овој проект ќе зависи и од централната власт која издава дозволи за вакви инфраструктурни зафати – рече градоначалникот на Општина Теарце, Исен Асани.
Во план е со канализациониот систем и пречистителните станици да управува конзорциумот и Општина Теарце по систем на јавно – приватно партнерство.
Доколку се реализара овој проект, инвестицијата би чинела околу 11 милиони евра.
Зоран Димовски