Вредноста на унца злато (28,35 грама), по стравот од ескалација на трговската војна помеѓу САД и Кина, првпат по 2013 година надмина 1.500 долари.
Котирањето на златото на берзата „Комекс“ во Њујрк порасна за уште 1,3 отсто – на 1.503,2 долара за унца, а од почетокот на годинава растот е 17 отсто.
Златото, кое се смета за најсигурна резерва, добива на цена поради падот на светските берзи, кој е предизвикан од заканите на САД дека ќе воведат нови царини на увозот на кинеска стока и на контраодговорите на Пекинг дека ќе реагира симетрично на тие мерки.