Ова лето сигурно ќе го памети штипјанецот Никола Георгиевски, кој пред два дена дена бил ограбен на паркингот на ИКЕА во Солун. Пазарењето во познатата продавница го чинело еден целосно испразнет багажник и ситуација за која е можно да нема разврска.
„Кога завршивме, најдовме големо „изненадување“ … Го отворивме багажникот на автомобилот и беше ЕМПТИ! Јасно е дека по овој шок отидовме директно да разговараме со обезбедувањето на ИКЕА и ова беше само почеток на нашата драма! Да се посети продавница Икеа и да се ограбува во текот на денот на нивниот паркинг е незамисливо и нешто што никогаш не мислев дека би можело да се случи!“ – вели Георгиевски во пораката со која контактираше со Радио Мрежа Канал 77.
Кога се обидел да побара помош и евентуална разврска на ситуацијата со прегледување на материјал од надзорните видео камери на кои би можеле да се видат разбојниците, се појавила нова пречка.
„Потполно разбирам дека секоја земја има свои закони и ние треба да ги почитуваме, но во состојба на шок, со персоналот едвај да зборува англиски и да не ни даде соодветно решение ниту брза реакција беше апсолутна трагедија! Кулминацијата се случи кога персоналот на ИКЕА ни рече дека областа каде е паркиран автомобилот не е покриена со добар видео надзор! Ние ги сторивме сите процедури како што бараа (полициска станица, изјави итн.).
Поминавме неколку часови возејќи се напред и назад кон ИКЕА и блиската полициска станица и немавме дополнителни информации што треба да правиме понатаму. И еве, ние сме на пат да се вратиме дома со празни сеќавања и празен автомобил!“ – додава револтираниот штипјанец во неговата изјава.