Полицијата во Малта попладнево објави дека како последица на струен удар загинал Мартин Калинчев, млад Македонец кој живеел во Малта.
Според податоците кои ги објавуваат Македонците и медиумите јавно објавени, Мартин Калинчев загинал утринава околу 9.30 по локално време, додека работел.
Инцидентот се случил додека Мартин работел качен на дигалка и се допрел до електрични кабли. Веднаш била повикана и брза помош , а потоа и бил префрлен во болница, каде само констатирале дека починал од сериозни повреди.
Полициската истрага е во тек.