Предложеното законско решение за Државен инспекторат за употреба на јазиците помина на денешната владина седница, на која е донесена одлука истото да биде пуштено во постапка за усвојување во Собранието.
Закон за инспекторат за употреба на јазиците се донесува со цел надзор врз примената на Законот за употребата на јазиците во Република Северна Македонија, кој треба да ја гарантира рамноправноста, еднаквоста и непристрасноста при примена на инспекцискиот надзор како и доследно применување на Законот за употребата на јазиците – појаснуваат од владината прес служба.
Бидејќи станува збор за формирање на нов орган во состав на Министерството за правда, законски е предвидена и организациската поставеност на Инспекторатот, како и условите кои треба да се исполнат за избор на Директорот и инспекторите во рамките на Инспекторатот – се додава во соопштението.