По низата шпекулации претходните денови заменик претседателот на Барселона, Жорди Кадонер призна дека Нејмар сака да се врати на Камп Ноу.
Сепак, тој ја олади ситуацијата тврдејќи дека и покрај се, уште немало никаков контакт, ниту преговори меѓу Барса и ПСЖ.
„Ние сме во процес на заминување на двајца фудбалери и тоа мораме да го завршиме до 30 јуни. Точна е информацијата дека Нејмар сака да се врати во Барселона, но не е точно дека Барселона е загрижена за тоа. Сега оваа тема не е предмет на расправа. Постои тврдење дека сме го отпишале Нејмар, но тоа не е точно, никого не сме отпишале. Не ме чуди што Нејмар сака да се врати бидејќи во минатото се случувале вакви работи, како со Пике и Фабрегас“, објави Кардонер.
Нејмар играше за Барселона од 2013 до 2017 година и во тој период освои две титули во шпанското првенство и една во Лигата на шампионите.
Извор: sportclub.mk