Со часови се чека на грчка граница за влез во Македонија

Веќе неколку часа долги колони на возила се пред границата Евзони кај Гевгелија, на враќање од продолжениот викенд. Граѓаните се жалат дека три долги колони бавно се движат за влез. Бројни се коментарите на социјалните мрежи, од такви кои имаат разбирање на викендашите до коментари кои даваат совети дека во продолжени викенди се тргнува порано. Речиси идентична беше состојбата во петокот, кога неколку илјади македонски возила заминаа на грчките плажи.