Локалната самоуправа ќе добие нова општинска зграда. Оттаму велат дека работат на проект кој како што посочија, е во рана фаза на изградба и истиот се изработува паралелно со новиот генерален урбанистички план.
Динамиката на изградбата на новата зграда ќе зависи многу од новиот ГУП, но и донесувањето на Деталниот урбанистички план за град Тетово. Со проектот на новата зграда ќе се внимава да бидат задоволени сите светски и европски стандарди кои внимаваат да бидат прилагодливи на сите категории на граѓани вклучително и лицата со посебни потреби – изјавија од Општина Тетово.
Инаку во зградата каде е сместена Општина Тетово освен кабинетот на градоначалникот и секторите ,се сместени и повеќе државни институции, причина што за секоја инфраструктурен или друг проблем институциите си ја префлаат одговорноста.
Како пример немањето пристапност за лицата со посебни потреби, а често во минатото имаше прекини во снабдувањето со електрична енергија па за оваа појава со која клинетите немаа можност да завршат работа а вработените работеа во мрак, никој не преземаше одговорност.
Зоран Димовски