Роботското летало на НАСА, „InSajt“, кое од ноември минатата година се наоѓа на Марс, забележало благ потрес на Црвената планета. AP наведува дека ова е прв марсотрес кој некогаш е забележан. Се наведува дека мониторот на „InSajt“ го снимил потресот и измерил слаб сигнал на 6 ти април, а нaучниците одлучиле оваа информација да и ја соопштат на јавноста.
Иако забележано е шушкање кое потсетува на ветер, научниците веруваат дека звукот доаѓа од внатрешноста на Марс.
Францускиот научник Филип Лоњон, кој бил задолжен за овој експеримент бидејќи европските вселенски агенции го опремувале ова летало, вели дека е возбудливо тоа што конечно имаат доказ дека оваа планета е сеизмички активна.
Се наведува дека научниците и понатаму ги анализираат податоците за ова, како и за уште три послаби сеизмички сигнали кои се забележани. Францускиот сеизмометар е поставен на површината на Марс минатиот декември, неколку недели по слетувањето на „InSajt“.
Mars, I hear you. I’ve detected some quiet but distinct shaking on #Mars. The faint rumbles appear to have come from the inside of the planet, and are still being studied by my team. Take a listen.👂https://t.co/GxR1xdRx1F pic.twitter.com/Z8Hn03jigO
— NASA InSight (@NASAInSight) April 23, 2019