Првото јавно соочување на СДСМ со граѓаните по вчерашниот прв круг на Претседателските избори донесе доза самокритика и признание за слабите и бавно испорачаните резултати од досегашното владеење. Пораката е сфатена дека има незадоволство и од локалната и од централната власт, а ветените промени се испорачуваат бавно.
-Пораката ја испративте, но немојте да ја казнувате државата заради некои наши слабости. Слабости има, но работиме и ќе работиме да ги исправиме. Разбрав, многу наши поддржувачи ми испратија порака „Еј ало, менувај нешто, не ја бива вака“!Секако дека ќе има чистки. Секако дека ќе расчистиме со некои луѓе. Видовме дека некаде имаме решенија со луѓе кои немаат доволно капацитет да му служи на нанародот, најави премиерот Зоран Заев од митингот од Општина Карпош премиерот Зоран Заев.